الوداع

موضوع: الوداع الأحد نوفمبر 09, 2008 3:35 am

i]--------------------------------------------------------------------------------

صاحبي لاصرت بتغيب لاتقول الوداع
الوداع بقلب راع الهوى جرحه كبير

كل مااغفى شارد الفكر صحاه الضياع
بين صكّات الليالي .. ووراد وصدير

لاتزيد بقلبي الليّ حمل مالا أستطاع
خل قلبي مثل ماهو على خبري بصير

لاتشككني بحبّك ترى الشكّه نزاع
بين فكرٍ ماينازع .. وقلبٍ فيه خير

وأنت خابر كلّ واهس على ذكرك رعاع
في بساتين المحاني يغذيه العبير

محزمك شريان قلبي وتاجه مايباع
ماذخرته يوم قلبي قصر وانت الامير

ماتأملت العطى من ملذّات ومتاع
غير ابيها في عيونك تبيّن ياصغير

مشكلت قلبي يسوقه على الطيب اندفاع
ولايفكرّ في مرد العطا غير الحقير

لن مايهوى الرفاعه سوى راع الرفاع
طيب ساسه مايحدّه على الضلع القصير

والانا لاعوّد الجدّ ياحلو الطباع
والله انيّ فاتنٍ فيك لانك جدّ غير

فيك اشوف انوار الامّه بنجلينك شعاع
ومنك قلبي رشحك وانت الاول والاخير

كنّ سحّار الاقادير فالخرس الوساع
جاذبيتها لعين المولع ماتجير

رمحها يرسم على صفحة القلب الشجاع
والله انّ تبطي وجرحك من الخرسا خطير

الله أكبر لاتخطى وسايف بالقناع
نور صبحٍ ماتبيّن وهو عاده يسير

لاقصر من حدوّة الكعب والضمّر أجياع
كنّها ترسم لك الزين في لوحة خبير

جلّ من صبّ العسل في ثغرها لين ماع
وبلّ حمرٍ كنّ فيها سنى جمرٍ غزير

ليه ماشكي من فراقك وقلبي منك ضاع
وليه وليه وليه ماقول ليه وليه اصير؟

قلب من فرقا محبّه ..قضى عمره صراع
بين تخفيف المواجع وتحديد المصير

كلّ شيٍ ياحبيبي سهل غير الوداع
الوداع لشخص مثلي تقباله خطير

موضوع: رد: الوداع الإثنين نوفمبر 10, 2008 4:56 am

خفي علينى ياللامبراطوره
يديكي العافيه تقبلي مروري